काठमाडौं । मंगलवार बिहानै बारामा भेटिएको दुई दाजु भाईको शव प्रहरीले पोष्टमार्टमका लागि जिल्ला अस्पताल कलैया पठाएको छ ।
घटनास्थलमा आवश्यक अनुसन्धान सकिएपछि शव पोष्टमार्टमका लागि जिल्ला अस्पताल कलैया पठाइएको जिल्ला प्रहरी कार्यालय बाराका प्रहरी प्रवक्ता गौतम मिश्रले जानकारी दिए ।
‘घटना स्थलको प्रारम्भिक अनुसन्धान सकिएको छ । हामीले अनुसन्धान गर्न जनकपुरबाट तालिम प्राप्त कुकुर बोलाएका थियौ र अहिले प्रारम्भिक अनुसन्धान सकिएको छ । छिट्टै दोषीलाई पक्राउ गर्ने छौं ।’ प्रवक्ता मिश्रले बताए ।
बाराको रंगपुरमा रहेको मदर्शा सल्फिया कन्जुल उलुममा ९ वर्षीय उशमान अन्सारी र ७ वर्षीय अमिन अन्सारीको शव आज बिहानै दुई दाजु भाईको घाँटी रेटिएको अवस्थामा शव फेला परेको थियो । निकै विभत्स तरिकाले गरिएको हत्याको अनुसन्घानका लागि प्रहरीले जनकपुरबाट तालिम प्राप्त कुकुर घटनास्थल बोलाएको थियो ।
उनीहरु हिजो बेलुकादेखि बेपत्ता भएका परिवारले बताएका छन् ।
यो पनि : बारा घटना अपडेट : थप अनुसन्घानका लागि प्रहरीले बोलायो कुकुर
बारामा दाजु भाईको घाँटी रेटि हत्या, हिजो बेलुका देखी बेपत्ता भएको उजुरी
यो खबर पढेर तपाईलाई कस्तो महसुस भयो ?
प्रतिक्रिया