मोरङमा घाँटी रेटिएको अवस्थामा महिलाको शव फेला, हत्या आशंकामा परिवारकै ४ जना नियन्त्रणमा

काठमाडौं । मोरङ जिल्लाको रंगेली नगरपालीमा घाँटी रेटिएको अवस्थामा एक महिलाको शव फेला परेको छ ।

रंगेली नगरपालिका–३ तिनवा चोक नजीक रहेको नहरमा हत्या गरी फालिएको अवस्थामा २४ वर्षीय महिलाको शव फेला परेको जिल्ला प्रहरी कार्यालय मोरङका प्रहरी नायब उपरीक्षक (डीएसपी) मान बाहादुर राईले लोकपथलाई जानकारी दिए ।

‘बिहान ७ बजेतिर शव फेला परेको सूचना आएको थियो । प्रहरीको टोलीले घटनास्थलमा अनुसन्धान गरिरहेको छ ।’ डीएसपी राईले बताए ।

घाँटी रेटिएको अवस्थामा फेला परेको शव र यादवको घर करिब १.५ किलोमिटरकोदूरीमा रहेको छ । प्रहरीले घटनाको अनुसन्धाका लागि मृतकका श्रीमान्, सासु, ससुरा र देवरलाई नियन्त्रणमा लिएको डीएसपी राईले बताए ।