सुनचाँदीको मूल्यमा गिरावट

काठमाडौं । नेपाली बजारमा आज सुनचाँदीको मूल्यमा सामान्य गिरावट आएको छ । बिहीवार प्रतितोला छापावाला सुनको मूल्य ९३ हजार ७ सय रहेको थियो । त्यस्तै आज सुनको मूल्य तोलामा ४ सयले गिरावट आइ सुन तोलामा ९३ हजार ३ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको मूल्य ९२ हजार ८ सय रहेको छ ।

आज चाँदीको मूल्य तोलामा १० रुपैयाँले गिरावट आएको छ । बिहीवार प्रतितोला चाँदीको मूल्य १३ सय ६० रहेकोमा आज मूल्य गिरावट आई १३ सय ५० कायम भइ कारोबार भइरहेको महासंघले जनाएको छ ।