काठमाडौं । संसद विघटनविरुद्ध आन्दोलनको क्रममा नेपाल विद्यार्थी संघका नेता नवराज त्रिपाठी पक्राउ परेका छन् ।
आइतवार मध्यबानेश्वरस्थित पिपलबाट प्रदर्शनका क्रममा नेविसंघका पूर्व केन्द्रीय सदस्य समेत रहेका त्रिपाठी पक्राउ परेका हुन् ।
नेता त्रिपाठीसहितको टोलीले राष्ट्रपति विद्यादेवी भण्डारी र प्रधानमन्त्री केपी शर्मा ओलीको तस्वीरमा गोबर छ्याप्दै गरेको अवस्थामा उनलाई पक्राउ गरिएको प्रहरीले जनाएको छ ।
पक्राउ परेका त्रिपाठीलाई महानगरीय प्रहरी वृत्त नयाँ बानेश्वरमा राखिएको छ ।
त्यस्तै नेविसंघका महामान्त्रीद्वय दीपक भट्टराई र बलदेव तिमल्सिनाले उनको बिनासर्त रिहाईको माग गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया