नेपालमा कोरोना : थपिए ७ हजार ४ सय २५ संक्रमित, संक्रमण मुक्त हुने ४ लाख नजिक

काठमाडौं । नेपालमा पछिल्लो २४ घण्टामा थप ७ हजार ४ सय २५ जनामा कोरोना संक्रमण पुष्टि भएको छ । देशभर प्रयोगशालामा गरिएको १९ हजार ८ सय ४६ पीसीआर परीक्षणमा ७ हजार २ सय २० र ६ सय ७ जनाको एन्टिजेन परीक्षण गर्दा २०५ जनामा कोरोना संक्रमण पुष्टि भएको हो ।

त्यस्तै पछिल्लो २४ घण्टामा नेपालमा कोरोना संक्रमणबाट थप १८५ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ६ हजार ५ सय ३१ पुगेको स्वास्थ्य तथा जनसंख्या मन्त्रालयले जनाएको छ ।

यसैगरी पछिल्लो २४ घण्टामा नेपालमा थप ७ हजार १ सय ३५ जना कोरोना संक्रमणमुक्त भएका छन् । योसँगै नेपालमा कोरोना संक्रमण मुक्त हुनेको संख्या ३ लाख ९८ हजार ४ सय ८३ पुगेको मन्त्रालयले जनाएको छ ।

हाल नेपालमा १ लाख १५ हजार ४ सय ४७ जना कोरोनाका सक्रिय संक्रमित रहेका छन् भने ९ सय २४ जना क्वारेन्टाइनमा रहेको मन्त्रालयले जनाएको छ ।