काठमाडौं। बंगलादेशविरुद्ध श्रीलंकाको दोस्रो एकदिवसीय खेल आज (मंगलवार) खेलिंदै छ।
श्रीलंकाको टोलीले आफ्ना भेट्रान खेलाडी एन्जेलो म्याथ्युज, दिमुथ करुनरत्ने र थिसरा परेरा बिना नै ३ एकदिवसीय शृङ्खलाको लागि बंगलादेशको भ्रमण गरेको हो।
विकेट किपर ब्याट्सम्यान कुशल परेरालाई कप्तानीको जिम्मेवारी दिएको श्रीलंकाले पहिलो एकदिवसीय खेलमा हार बेहोरिसकेको अवस्था छ।
आईतवार भएको पहिलो खेलमा बंगलादेशले श्रीलंकालाई ३३ रनले पराजित गरेको थियो। सो खेलमा बंगलादेशका विकेटकिपर मुष्फिकर रहिमले सर्वाधिक ८४ रनको योगदान दिएका थिए। आजको खेलमा जित निकालेको खण्डमा बंगलादेशले सिरिज आफ्नो पक्षमा पार्नेछ।
आज हुने दोस्रो एकदिवसीय खेल ‘शेरे बांग्ला अन्तराष्ट्रिय मैदान’मा नेपाली समय अनुसार अपरान्ह १२:४५ बजे शुरु हुनेछ।
यो खबर पढेर तपाईलाई कस्तो महसुस भयो ?
प्रतिक्रिया