नेपालमा कोरोना : ९ हजार ८ सय ४१ जना संक्रमणमुक्त, थपिए ७ हजार हाराहारीमा संक्रमित

काठमाडौं । नेपालमा पछिल्ला केहिदिन यता कोरोना संक्रमित भन्दा संक्रमण मुक्त हुनेको दर बढि रहेको छ ।

नेपालमा पछिल्लो २४ घण्टामा थप ९ हजार ८ सय ४१ जना कोरोना संक्रमण मुक्त भएका छन् । भने ६ हजार ९ सय ५१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमितको कुल संख्या ५ लाख ४९ हजार १ सय ११ पुगेको छ । भने हालसम्म कोरोना संक्रमण मुक्त हुनेको संख्या ४ लाख २८ हजार ६ सय ७० रहेको छ ।

पछिल्लो २४ घण्टामा कोरोना संक्रमणबाट थप ९६ जनाको मृत्यु भएसँगै कुल मृतक संख्या ७ हजार ४७ पुगेको छ ।