बढ्यो सुनचाँदीको मूल्य, कतिमा हुँदैछ कारोबार ?

काठमाडौं । नेपाली बजारमा आज सुनचाँदीको मूल्यमा सामान्य वृद्धि भएको छ ।

सोमवार प्रतितोला छापावाला सुनको मूल्य ९४ हजार २ सय रहेको थियो । आज मूल्य वृद्धि भइ प्रतितोला सुन ९४ हजार ५ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको मूल्य ९४ हजार कायम भइ कारोबार भइरहेको छ ।

महासंघका अनुसार आज चाँदीको मूल्य तोलामा १० रुपैयाँले वृद्धि भएको छ । सोमवार प्रतितोला चाँदीको मूल्य १३ सय ६० रहेको थियो । भने आज मूल्य वृद्धि भइ प्रतितोला चाँदी १३ सय ७० कायम भइ कारोबार भइरहेको महासंघले जनाएको छ ।