संसद विघटनको मुद्दा : वरिष्ठताको आधारमा इजलास गठन हुने

काठमाडौं । प्रधानन्यायाधीश चोलेन्द्र शमशेर राणाले संसद विघटनसम्बन्धी मुद्दाको सुनुवाइका लागि वरिष्ठताको आधारमा न्यायाधीश रहने इजलास गठन गर्ने बताएका छन् ।

आज प्रधानन्यायाधीश राणा र सर्वोच्च बारका अध्यक्ष पूर्णमान शाक्यबीचको छलफलपछि राणा त्यसमा सहमत भएका हुन् ।

हाल सर्वोच्चको संवैधानिक इजालसमा रहेका न्यायाधीशहरुमा प्रश्न उठेपछि सर्वोच्च बारका अध्यक्ष शाक्यले प्रधानन्यायाधीशसँग भेट गरेका थिए ।

भेटमा प्रधानन्यायाधीश राणा वरिष्ठताको आधारमा न्यायाधीशहरु राखेर इजलास गठन गर्न राजि भएको र केहिदिनपछि न्याय परिषद्को बैठक बसेर निर्णय हुने बताइएको छ ।