उज्जवल थापाको निधनप्रति कांग्रेसद्वारा दुख व्यक्त

काठमाडौं । नेपाली कांग्रेसले विवेकशील साझा पार्टीका संस्थापक अध्यक्ष एवम् संयोजक उज्जवल थापाको निधनप्रति दुख व्यक्त गरेको छ ।

आज एक विज्ञप्ति जारी गर्दैै कांग्रेसले थापाको निधनले नेपाली राजनीतिले एक उदयीमान युवा नेता गुमाएको जनाएको छ ।

कांग्रेस मुख्यसचिव कृष्णप्रसाद पौडेलद्वारा जारी विज्ञप्तिमा भनिएको छ- ‘विवेकशील साझा पार्टीका पूर्व संयोजक तथा तत्कालिन विवेकशील नेपाली दलका संस्थापक अध्यक्ष उज्जवल थापाको उपचारको क्रममा आज भएको निधनप्रति नेपाली कांग्रेस गहिरो दुख व्यक्त गर्दछ । एक उदयमान युवा नेताको रुपमा आफूलाई स्थापित गर्न सफल हुनुभएका स्वर्गीय थापाको निधनले नेपाली राजनीतिमा ठूलो क्षति पुगेको छ ।’

त्यस्तै थापाको निधनप्रति पूर्व प्रधानमन्त्री एवम् कांग्रेस सभापति शेरबहादुर देउवाले समेत दुख व्यक्त गरेका छन् ।