आजको बजार : सुनको मूल्य एकैदिन १५ सयले घट्यो, कति छ भाउ ?

काठमाडौं । शुक्रवार नेपाली बजारमा एकैदिन सुनको मूल्य तोलामा १ हजार ५ सयले गिरावट आएको छ ।

बिहीवार प्रतितोला छापावाला सुनको मूल्य ९४ हजार ९ सय रहेको थियो । भने आज सुनको मूल्यमा गिरावट आइ प्रतितोला छापावाला सुन ९३ हजार ४ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ । त्यस्तै आज तेजावी सुनको मूल्य ९२ हजार ९ सय रहेको छ ।

बिहीवारको तुलनामा शुक्रवार चाँदीको मूल्य तोलामा ३५ रुपैयाँले गिरावट आएको छ । बिहीवार प्रतितोला चाँदीको मूल्य १३ सय ७५ रहेकोमा आज मूल्य गिरावट आइ प्रतितोला चाँदी १३ सय ४० कायम भइ कारोबार भइरहेको महासंघले जनाएको छ ।