काठमाडौं। सन् २०२०/२१ इंग्लिश प्रिमियर लिगको ‘पीएफए टिम अफ द इयर’ सार्वजनिक भएको छ।
हरेक वर्ष ‘प्रोफेसनल फुटबलर एसोसिएसन’ले सार्वजनिक गर्ने ११ उत्कृष्ट खेलाडीको सूची शुक्रवार सार्वजनिक गरिएको हो। यस पटकको प्रिमियर लिग विजेता म्यान्चेस्टर सिटीका ६ खेलाडी सो टिममा पर्न सफल भएका छन्।
त्यस्तै टोटनह्याम र म्यान्चेस्टर युनाइटेडबाट समान २ खेलाडी र लिभरपुलबाट १ खेलाडी सो टिममा पर्न सफल भए।
गोलकिपर : एडरसन
म्यानचेस्टर सिटीका गोलरक्षक एडरसन टिम अफ द इयरको उत्कृष्ट गोलरक्षक चुनिएका छन्।
राईट ब्याक : जाओ कान्सेलो
म्यानचेस्टर सिटीका फुल्ब्याक यस टिममा राईट ब्याकको स्थानमा देखिए।
सेन्टर ब्याक : रुबेन डियास
म्यानचेस्टर सिटीले यसै सिजन भित्राएको पोर्चुगिज डिफेन्डर रुबेन सेन्टर ब्याकमा चुनिए।
सेन्टर ब्याक : जोन स्टोन्स
इंग्लिश तथा सिटीकै डिफेन्डर जोन स्टोन्स पनि यस टोलीमा अटाएका छन्।
लेफ्ट ब्याक : लुक श
म्यानचेस्टर युनाइटेडको यस वर्षका उत्कृष्ट खेलाडी श यस टोलीमा लेफ्ट ब्याकको भुमिकामा देखिए।
मिडफिल्डर : केविन डे ब्राइन
म्यानचेस्टर सिटीका स्टार प्लेमेकर डे ब्राइन यस टोलीको मिडफिल्डमा देखिएका छन्।
डिफेन्सिभ मिडफिल्डर : इलकाई गुन्डोगान
सिटीका अर्का खेलाडी गुन्डोगानले पनि यस टोलीमा आफ्नो स्थान सुनिश्चित गरेका छन्।
मिडफिल्डर : ब्रुनो फर्नान्डेज
पोर्चुगल तथा म्यान्चेस्टर युनाइटेडका मिडफिल्डर ब्रुनो यस सिजन उत्कृष्ट मध्येका एक खेलाडी रहे।
लेफ्ट विंगर : ह्यूङ मिन सन
सन यस सूचीमा पर्ने एकमात्र एसियन मूलका खेलाडी हुन्। टोटनह्याम हटस्परका स्टार सन लेफ्ट विंगरका रूपमा यस टोलीमा परे।
राईट विंगर : मोहम्मद सालाह
यस सिजन २२ गोल गर्न सफल भएका लिभरपुलका सुपरस्टार सालाह पनि यस सूचीमा अटाएका छन्।
स्ट्राइकर : ह्यारी केन
टोटनह्याम तथा इङ्ल्यान्डका स्ट्राइकर केन प्रिमियर लिगमा यस वर्ष सर्वाधिक गोलकर्ता तथा असिस्टकर्ता हुन्। उनी यस टोलीको नम्बर ९ बन्न सफल भए।
यो खबर पढेर तपाईलाई कस्तो महसुस भयो ?
प्रतिक्रिया