नेपालमा कोरोना : ८ हजार २ सय ४३ संक्रमणमुक्त, थपिए ५ हजार ४२ संक्रमित (विवरणसहित)

काठमाडौं । नेपालमा पछिल्लो २४ घण्टामा थप ५ हजार ४२ जनामा कोरोना संक्रमण पुष्टि भएको छ । योसँगै नेपालमा कोरोनाका कुल संक्रमितको संख्या ५ लाख ८५ हजार १ सय पुगेको छ । पछिल्लो २४ घण्टामा देशभर गरिएको कुल १६ हजार ८ सय १४ परीक्षणमा सो परिणाममा संक्रमित थपिएका हुन् ।

त्यस्तै पछिल्लो २४ घण्टामा नेपालमा थप ८ हजार २ सय ४३ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ४ लाख ८४ हजार ३ सय ७३ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा नेपालमा कोरोना संक्रमणका कारण थप ६८ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ७ हजार ७ सय ९९ पुगेको मन्त्रालयले जनाएको छ ।