होटलमा लगि मदिरा खुवाएर राउटे युवतीमाथि दुर्व्यवहार गर्ने ३ जना पक्राउ

काठमाडौं । मादक पर्दाथ सेवन गराई राउटे समुदायका युवतीलाई दुर्व्यवहार गरेको आरोपमा तीन जना पक्राउ परेका छन् । राउटे समुदायका युवतीलाई दुर्व्यवहार गर्ने सुर्खेतको गुर्भाकोट नगरपालिका मेहलकुनाबाट होटल सञ्चालकसहित तीन जनालाई प्रहरीले पक्राउ गरेको हो ।

पक्राउ पर्नेमा गुर्भाकोट नगरपालिकाका ३५ वर्षका दोमनबहादुर घर्ती, २४ वर्षका भुपेन्द्र बुढा र २९ वर्षका होटल सञ्चालक बिनोद पुन रहेका जिल्ला प्रहरी कार्यालय सुर्खेतका प्रवक्ता डीएसपी रामप्रसाद घर्तीले लोकपथलाई बताए ।

पक्राउ परेकाहरुले दुईजना राउटे युवतीलाई होटलमा लगि मदिरा खुवाई दुर्व्यवहार गरेको भिडियोसमेत सार्वजनिक भएको थियो ।

उनीहरूलाई कानूनी कारवाहीका लागि थप अनुसन्धान भइरहेको डीएसपी घर्तीले बताए ।