पहिलो हाफमा जोर्डनलाई अग्रता

काठमाडौं। विश्वकप छनौट अन्तर्गत जारी नेपाल र जोर्डन बिचको खेलमा मध्यान्तर भएको छ।

पहिलो हाफको खेल सकिँदा जोर्डनले नेपाल माथि १-० गोलको अग्रता लिन सफल भएको छ। २३औं मिनेटमा जोर्डनका स्ट्राइकर बहाब फैजलले पेनाल्टी मार्फत गोल गर्दा जोर्डनले अग्रता लिएको हो।

आफ्नो ‘डि-बक्स’ भित्र नेपालका रक्षक रोहित चन्दले जोर्डनका मुसा सुलेमानलाई फल गर्न पुग्दा मलेसियाका रेफ्री मोहम्मद अमिरुल इस्लामले जोर्डनलाई पेनाल्टी दिएका थिए। पहिलो हाफको खेलसम्म जोर्डनले अधिकतम समय बल आफ्नो कब्जामा पार्न सफल भएको छ।