मदिरा बरामद गर्न खोज्दा प्रहरीमाथि ढुङगा प्रहार, ३ जना पक्राउ

काठमाडौं । धनुषामा प्रहरीलाई ढुङगा प्रहार गरेको अभियोगमा पक्राउ ३ जना पक्राउ परेका छन् ।

प्रहरीलाई ढुङगा प्रहार गरेको अभियोगमा धनुषाधाम नगरपालिका-९ धारापानी बस्ने ३० वर्षीया शुशिला थापा लगायत ३ जनालाई शनिवार साँझ प्रहरीले पक्राउ गरेको हो ।

धनुषाधाम नगरपालिका-९ धारापानीमा अवैध घरेलु मदिरा उत्पादन गर्ने कच्चा पदार्थ र तयारी मदिरा नियन्त्रणमा लिन ईलाका प्रहरी कार्यालय ढल्केवरबाट खटिएको प्रहरीलाई ढुङगा प्रहार गर्नुका साथै मदिरा छ्यापेपश्चात उनीहरुलाई प्रहरीले नियन्त्रणमा लिएको हो ।

ढुङगा प्रहारबाट १ जना प्रहरी कर्मचारी घाइते भएका छन् भने उक्त प्रहरी कार्यालयको गाडीको अगाडिको सिसा समेत फुटेर क्षति भएको छ ।

यस सम्बन्धमा प्रहरीले थप अनुसन्धान गरिरहेको बताएको छ ।