झापा । प्रहरीले झापा मेचीनगर नगरपालिका ५ का ४० वर्षीय भिमराज लिम्बुको हत्या गरी फरार रहेका सोही स्थानका ५६ वर्षीय सुकराज लिम्बुलाई पक्राउ गरेको छ ।
बुधवार राती पौने ९ बजे मेचीनगर नगरपालिका ५ ईटाभट्टा अधेरी टोल स्थित ग्राबेल बाटोको छेउमा घाँटीमा कपडाको क्रयाक ब्यान्डेजले बाँधिएको र मुखबाट रगत आइरहेको अवस्थामा भिमराज मृत अवस्थामा फेला परेका थिए ।
तत्काल घटनास्थलमा ईलाका प्रहरी कार्यालय काकडभिट्टाबाट खटिएको प्रहरीले उनको हत्या भएको पुष्टी गरे सँगै घटनामा संलग्न भई फरार रहेका सुकराजलाई पक्राउ गरेको हो ।
पक्राउ परेका सुकराजले आपसी झगडा हुदाँ खुट्टामा बाध्ने क्रयाक ब्यान्डेजले मृतकको घाँटीमा बाधी घटना घटाएको अनुसन्धानको क्रममा स्वीकार गरेको प्रहरीले जनाएको छ ।
त्यस्तै उनलाई पक्राउ गरि थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया