नेपालमा कोरोना : संक्रमित र संक्रमणमुक्त हुनेको अन्तर ७१ (पूर्ण विवरणसहित)

काठमाडौं । नेपालमा पछिल्लो २४ घण्टामा थप २ हजार ४ सय ७४ जनामा कोरोना संक्रमण पुष्टि भएको छ ।

पछिल्लो २४ घण्टामा देशभर गरिएको कुल १२ हजार २ सय ३२ जनाको परीक्षण गर्र्दा सो परिमाणमा संक्रमण पुष्टि भएको हो ।

त्यस्तै पछिल्लो २४ घण्टामा नेपालमा कोरोना संक्रमणको कारण थप २४ जनाको मृत्यु भएको छ । योसँगै नेपालमा कोरोना संक्रमणको कारण ज्यान गमाउनेृको संख्या ८ हजार ९ सय १८ पुगेको स्वास्थ्य तथा जनसख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा थप २ हजार ५ सय १८ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ५ लाख ७० हजार ९ सय ५८ पुगेको मन्त्रालयले जनाएको छ ।

पछिल्लो २४ घण्टामा कोरोना पुष्टि हुने र संक्रमणमुक्त हुनेको अन्तर ७१ रहेको छ ।