डीपीएल–२ का सर्वोत्कृष्ट खेलाडीलाई गोल्डेन जुत्ता

काठमाडौं, ११ चैत । धनगढीमा चैत १७ गतेदेखि सुरु हुने धनगढी प्रिमियर लिग (डीपीएल–२) क्रिकेट प्रतियोगितामा सर्वोत्कृष्ट हुने खेलाडीले गोल्डेन बुट पाउने भएका छन् ।आइतबार आयोजक धनगढी क्रिकेट एकेडेमीले पत्रकार सम्मेदन गरी डीपीएल–२ क्रिकेट प्रतियोगिताको सर्वोत्कृष्ट खेलाडीलाई सुनको जुत्ता उपलब्ध गराउन लागेको जानकारी दिए ।आयोजकले गोल्डस्टार जुत्ताको उत्पादक किरण सुज म्यानुफ्याक्चरर्ससँग प्रायोजन सम्झौता गरेपछि उसले सर्वोत्कृष्ट खेलाडीलाई सुनको जुत्ता उपलब्ध गराउन लागेको हो ।डीपीएलको सर्वोत्कृष्ट खेलाडी प्राविधिक समितिले चयन गर्ने बताएको छ ।त्यस्तै डीपीएलको प्लेयर अफ दि सिरिजलाई भने मोटरसाइकल उपहार दिने घोषणा यसअघि नै भइसकेको छ ।