काठमाडौं । भक्तपुरमा प्रहरीलाई हातपात गरेको अभियोगमा २ जना पक्राउ परेका छन् ।
महानगरीय प्रहरी प्रभाग सानोठिमीमा डियूटीमा खटिएको प्रहरीलाई हातपात गरेको अभियोगमा सोही नगरपालिका-२ धन्चे पाखा बस्ने २४ वर्षीय सरोज केसी लगायत २ जनालाई मंगलवार राति प्रहरीले पक्राउ गरेको छ ।
मध्यपुर ठिमी नगरपालिका-२ सानोठिमीमा मादक पदार्थ सेवन गरि हल्ला गरेको अवस्थामा प्रहरीले सम्झाई बुझाई गर्ने क्रममा उनीहरुले प्रहरीलाई हातपात गरेपश्चात उनीहरुलाई प्रहरीले पक्राउ गरेको हो ।
हातपात गर्दा घाइते भएका एकजना प्रहरी सहायक निरीक्षक कोरियन अस्पताल ठिमीमा उपचार पश्चात डिस्चार्ज भएका छन् ।
यस सम्बन्धमा प्रहरीले थप अनुसन्धान गरिरहेको बताएको छ ।
यो खबर पढेर तपाईलाई कस्तो महसुस भयो ?
प्रतिक्रिया