सुरक्षा र दयाहाङको ‘भैरे’ गीत रिलिज (भिडियो)

काठमाडौं, १३ चैत – चलचित्र ‘भैरे’ को गीत सार्वजनिक भएको छ । काठमाडौंमा एक कार्यक्रमको आयोजना गरी गीत रिलिज गरियो ।अभिनेत्री सुरक्षा पन्त र दयाहाङ राईलाई मुख्य फिचरिङ गरिएको गीत गाउँले परिवेशमा तयार पारिएको छ । त्यस्तै गीत लोक शैलीमा तयार पारिएको छ ।‘सनम माया लाको’ बोलको गीतलाई यम बराल र अञ्जु पन्तले गाएका छन् भने गीतमा एभरेष्ट सूर्य बोहराका शब्द छन् ।गीतको भिडियोलाई पुरुषोत्तम प्रधानले खिचेका हुन् । त्यस्तै बसन्त श्रेष्ठले कोरियोग्राफी गरेका हुन् ।चलचित्रलाई एभरेष्ट सूर्य बोहराको निर्देशन रहेको छ । साथै फिल्म आउँदो वर्षको जेठ १८ गते प्रदर्शन हुनेछ ।https://youtu.be/-aVd5LUgEkI