बढ्यो सुनको मूल्य

काठमाडौं । नेपाली बजारमा बिहीवार सुनको मूल्यमा वृद्धि भएको छ । बुधवारको तुलनामा आज प्रतितोला छापावाला सुनको मूल्य १ सय रुपैयाँले वृद्धि भएको हो ।

बुधवार प्रतितोला छापावाला सुनको मूल्य ९२ हजार २ सय रहेकोमा आज मूल्य बढेर प्रतितोला ९२ हजार ३ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

त्यसैगरी आज तेजावी सुनको मूल्य प्रतितोला ९१ हजार ८ सय रहेको छ ।

बुधवारको तुलनाका बिहीवार प्रतितोला चाँदीको मूल्य भने तोलामा १० रुपैयाँले घटेको छ । बुधवार चाँदीको मूल्य १३ सय २० रहेकोमा आज १३ सय १० रुपैयाँ कायम भइ कारोबार भइरहेको छ ।