रौतहटको चन्द्रपुरस्थित तल्लो बजारमा भीषण आगलागी

रौतहट, १४ चैत । रौतहटको चन्द्रपुरमा एउटा हार्डवेयर गोदाममा आगलागी भएको छ । चन्द्रपुर नगरपालिका ५ स्थित तल्लो बजारमा रहेको राहुल हार्डवेयर गोदाममा बिहानैदेखि आगलागी भएको हो ।बिहान साढे ६ बजेदेखि लागो लागेपनि अझै नियन्त्रणमा आउन सकेको छैन । प्लास्टिक, प्लाइउड र फलामका सामानहरुको ठूलो गोदाममा आगलागी भएकाले निभाउन समस्या भएको प्रहरीले जानकारी दिएको छ ।आगलागी नियन्त्रणको प्रयास जारी रहेको जिल्ला प्रहरी कार्यालय, रौतहटका प्रहरी उपरीक्षक यज्ञविनोद पोखरेलले बताएका छन् ।आगो नियन्त्रणका लागि गौर र चन्द्रपुर नगरपालिकाको अग्नी नियन्त्रकसँगै बारा, सर्लाही र हेटौंडाका गरी ५ वटा दमकलका साथै नेपाली सेना, सशस्त्र प्रहरी र स्थानीय खटिएका छन् ।विद्युत्त सर्ट भएर आगलागी भएको प्रारम्भिक अनुमान गरिए पनि खास कारण पत्ता लागेको छैन ।