बालाजु चोकमा एक महिला मृत फेला

काठमाडौं । काठमाडौंको बालाजु चोकमा एक महिला मृत अवस्थामा फेला परेकी छिन् । काठमाडौं महानगरपालिका-१६ जनजागृती टोल बस्ने ३८ वर्षीया कौसिला नेपाली बालाजुचोक स्थित सडक छेउमा आइतवर मृत अवस्थामा फेला परेकी हुन् ।

शव पोस्टमार्टमकालागि त्रिवी शिक्षण अस्पताल पाठाइएको बालाजु वृतका प्रहरी निरीक्षक डिएसपी निर्मल बुढाथोकीले लोकपथलाई जानकारी दिए ।

“प्ररम्भिक अनुसन्धानबाट हत्या नभएको जस्तो देखिन्छ । हामीले अनुसन्धान गरिरहेका छौं ।” डिएसपी बुढाथोकीले बताए ।

अनुसन्धानका क्रममा नेपाली र उनको श्रीमान कवाडीमा काम गर्ने गरेका र अत्याधिक मदिरा सेवन गर्ने गरेको खुलेको छ । शरीरमा कुनैपनि घाँउ दाग नभएको र अत्याधिक मदिराका कारण उनको मृत्यु भएको हुनसक्ने प्रहरी वृत बालाजुले जनाएको छ ।

यही कारण मृत्यु भएको भन्ने तथ्य पोस्टमार्टमको रिपोर्टपछि आउने डिएसपी बुढाथोकीले बताए ।

मृतक नेपालीको श्रीमानसँग थप अनुसन्धान भइरहेको प्रहरीले बताएको छ ।