काठमाडौं, १५ चैत – चर्चित रियालिटी शो ‘द भ्वाइस’ को नेपाली फ्रेन्चाइज ‘द भ्वाइस अफ नेपाल’ कान्तिपुर टेलिभिजनबाट प्रसारण हुने भएको छ । कार्यक्रम प्रसारणका लागि एचडी टिभी नै हुनुपर्ने भनिएको थियो ।एएनसी प्रोडक्सन एजेन्सीले तयार पार्न लागेको उक्त रियालिटी शोलाई पनि विशेष शोका रुपमा हेरिएको छ । नेपाल आइडलका निर्देशक लक्ष्मण पौडेलले यो शोको निर्देशन गर्दैछन् ।तर शो असारबाट आउने भनिए पनि अब भने शो केही हप्ता पछाडि सर्ने भएको छ । विश्वकप फुटबलले प्रभाव पार्ने देखिएकाले शो साउनमा सारिएको हो ।उक्त शोमा दीप श्रेष्ठ, प्रमोद खरेल, सनुप पौडेल र अभया सुब्बा निर्णायकको भूमिकामा छन् ।‘द भ्वाइस अफ नेपाल’ का विजेता ‘भ्वाइस अफ नेसन’ हुनेछन् । साथै विजेताले नगद २५ लाख, कार र बीस लाख बराबरको भिडियो एल्बम गर्ने अवसर प्राप्त गर्नेछन् ।
यो खबर पढेर तपाईलाई कस्तो महसुस भयो ?
प्रतिक्रिया