काठमाडौं, १६ चैत । लिची इन्टरटेन्मेन्ट प्रा.लि.को ब्यानरमा निर्माण भएको चलचित्र ‘बेबी आई लभ यू’ को पहिलो पोष्टर सार्वजनिक भएको छ । राजधानीको युनियन हाउसमा पत्रकार सम्मेलन गर्दै पोष्टर सार्वजनिक गरिएको हो ।चलचित्रमा लिची इन्टरटेन्मेन्ट प्रा.लि.का प्रोपाइटर समेत रहेका शिव न्यौपानेको लगानी रहेको छ । जनक पाण्डेको निर्देशनमा बनेको चलचित्रमा सह–निर्माता सिर्जना परियार र दुर्गा पाण्डे रहेका छन् ।चलचित्रको मुख्य भूमिकामा नायक सन्तोष खड्गीको साथमा सरोज खनाल, पुजा तिवारी, निर्मल शर्मा, राजु कमेडी ‘रेन्बो’, रेशम श्रेष्ठ, अप्सन पन्थी, बिमल गिरी र किरण के. शर्मालगायत लगायतका कलाकारहरुको अभिनय छ ।चलचित्रमा सुवास देवकोटाको सम्पादन, पहिलो ब्यानर डिजाइन कमल सापाकोटा, कोरियोग्राफ सरोज अधिकारी, साउण्ड मिक्सिङ निरज केसीको रहेको छ । चलचित्र जेठ १८ गतेबाट देशभर एकसाथ प्रदर्शनमा आउने आयोजकले जनाएको छ ।कार्यक्रममा चलचित्र निर्माता संघका अध्यक्ष तथा वरिष्ठ निर्देशक तथा कलाकार आकाश अधिकारीले चलचित्रको सफलताको शुभकामना दिएका थिए । त्यस्तै कार्यक्रममा अभिनेता बिपिन कार्कीले पनि चलचित्रको सफलताको शुभकामना दिएका थिए ।यसअघि चलचित्र ‘बेबी आई लभ यू’को गीत ‘कान्छी मायालु’ युट्युबमा आइसकेको छ । उक्त गीतको भिडियोलाई दर्शकले अत्याधिक रुचाएका छन् । ८१ लाख भ्यूज भएको छ । चलचित्रका निर्माता शिव न्यौपाने भन्छन्, ‘गीत जस्तै चलचित्र पनि दर्शकले रुचाउने कुरामा आफू आशावादी छु ।’नायक सन्तोष खड्गीका अनुसार यो चलचित्र फरक धारमा आधारित रहेर माया प्रेमको कथालाई चित्रण गरिएको छ । उनले भने, ‘मायाप्रेम गर्दा सुरुमा आँखा जुधाएर वा अन्य तरिकाले गरिन्छ, तर यो चलचित्रमा सुरुमा झगडा गरेर अन्तिममा मायामा परिणत हुन्छ ।’
यो खबर पढेर तपाईलाई कस्तो महसुस भयो ?
प्रतिक्रिया