डीपीएलमा रुपन्देहीमाथि सीबाईसी अत्तरियाको ९ विकेटको जित

काठमाडौं, १८ चैत । धनगढी प्रिमियर लिग क्रिकेट (डीपीएल) मा सीवाईसी अत्तरियाले ९ विकेटको फराकिलो अन्तरले विजयी भएको छ ।सीवाईसी अत्तरियाले रुपन्देही च्यालेन्जर्समाथि ९ विकेटको जित हात पारेको हो । पहिले ब्याटिङ गरेको रुपन्देही च्यालेन्जर्स ६१ रनमा अलआउट भएको थियो । जवाफमा सीवाईसी अत्तरियाले मात्र ७.३ ओभरमा मात्र १ विकेट गुमाएर लक्ष्य भेट्टायो ।सुवास खकुरेल १९ रनमा आउट भए भने गोरभ चित्तरा ३० र प्रेम तामाङ १४ रनमा अविजित रहे ।यसअघि पहिले ब्याटिङ गरेको रुपन्देहीले मात्र १५.२ ओभरमा सबै विकेट गुमाएर ६१ रन बनाएको थियो । उसका सुफयान मोहम्मदले २० रन बनाए भने अन्य ब्याट्सम्यानले दोहोरो अंक जोड्न सकेनन् ।उसलाई सस्तैमा समेट्ने क्रममा कमल सिंह ऐरीले ४ विकेट लिए भने शुभंकर उरावले ३ विकेट लिए ।