‘एमसीसीमा भिडाएर झगडा गराउन खोजिँदैछ’- प्रचण्ड

काठमाडौं- नेकपा माओवादी केन्द्रका अध्यक्ष पुष्पकमल दाहाल प्रचण्डले एमसीसीमा भिडाएर सत्ता गठबन्धन भत्काउन प्रयास भईरहेको बताएका छन् । गठबन्धनलाई आफूले बचाउन खोजेपनि कहीँ कतैबाट टुटाउने प्रयास भईरहेको बताएका हुन् ।

नेपाल कम्युनिस्ट पार्टीका संस्थापक नेता नरबहादुर कर्माचार्यको ८औं स्मृति दिवसका अवसरमा शनिवार पेरिसडाँडामा आयोजित कार्यक्रममा बोल्दै प्रचण्डले भने, ‘गठबन्धन टुटाउने प्रयास भयो । बचाउने प्रयास गर्‍यौं । अहिले पनि भत्काउने प्रयास भैरहेको छ ।’

संविधान बचाएर ठूलै लडाइँ जितिएको भन्दै प्रचण्डले अझै चुनौती बाँकी रहेको बताए । प्रचण्डले केपी शर्मा ओली अहिले विक्षिप्त रहेको टिप्पणी गरेका छन्।

ओली केही भक्त हनुमानको भरमा चलेको तर्क गर्दै तिनले पनि साथ छाड्ने उनको दाबी थियो।