आकाश र आँचलको जोडी, ‘ब्ल्याक’ को गीत रिलिज

काठमाडौं, १८ चैत – चलचित्र ‘ब्ल्याक’ को नयाँ गीत सार्वजनिक भएको छ । काठमाडौंमा आयोजित एक कार्यक्रममा फिल्म युनिटले पत्रकारमाझ गीत सार्वजनिक गरेको हो ।आउँदो जेठ ११ गतेदेखि प्रदर्शनमा आउन लागेको चलचित्रमा युवा अभिनेता आकाश श्रेष्ठ र आँचल शर्माले मुख्य फिचरिङ गरेका छन् । त्यस्तै गीतको कोरियोग्राफी रामजी लामिछानेले गरेका हुन् ।मुस्ताङमा छायांकन गरिएको गीतमा भीएफएक्सको माध्यमबाट केही फरक बनाउन खोजिएको छ । गीतमा समीर मियाँले भीएफएक्स गरेका छन् ।त्यस्तै गीतमा सुगम पोखरेलको स्वर छ भने डाक्टर कविराज बान्तवाका शब्द छन् । साथै गीतमा महेश खड्काले संगीत दिएका छन् ।सार्वजनिक कार्यक्रममा बोल्दै आँचलले आफूले यो टिमसँग पहिलोपटक काम गरेपनि काम गर्न सहज लागेको बताइन् ।प्रदीप श्रेष्ठको निर्देशनमा तयार भएको फिल्ममा आकाश र आँचल बाहेक सुन्दर श्रेष्ठ, आयुष रिजाल, धिरेन शाक्य, प्रिया रिजाल, सुशील क्षेत्री लगायतका कलाकारले पनि अभिनय गरेका छन् ।https://www.youtube.com/watch?v=rrtVMwC0eoM