प्रदीप र जसिता अभिनित ‘लिलिबिली’ को जापानमा प्रिमियर

काठमाडौं, १९ चैत – चलचित्र ‘लिलिबिली’ को जापानमा प्रिमियर भएको छ ।प्रदीप खड्का, अभिनेत्री जसिता गुरुङ र निर्माता गोविन्द शाही उपस्थित प्रिमियर जापानको टोकियोस्थित नकानो जिरो हलमा सम्पन्न भएको थियो ।‘लिलिबिली’को दर्शक प्रतिक्रिया र उपस्थित संख्याले उत्साहित भएको आयोजकले फेरि पनि आफू प्रदर्शन गर्न हौसिएको र दर्शकबाट राम्रो प्रतिक्रिया पाएको उनले बताए ।निर्माता गोविन्द शाहीले बताएअनुसार फिल्मले राम्रो प्रतिक्रिया पाइरहेको छ ।चलचित्रलाई मिलन चाम्सले निर्देशन गरेका हुन् भने प्रियंका कार्की, अनुपविक्रम शाही र सविन श्रेष्ठ लगायतले पनि फिल्ममा अभिनय गरेका छन् । सुदीप खड्का प्रोडक्सन र चाम्स इन्टरटेनमेन्टको व्यानरमा निर्माण भएको फिल्म रिलिज मिति नजिकिँदै गर्दा प्रदर्शनमा जुटेको हो ।त्यस्तै गोविन्द शाही, सुदिप खड्का र निर्देशक चाम्सको फिल्ममा लगानी छ ।चलचित्र चैत ३० देखि प्रदर्शन हुँदैछ ।