प्रशस्त धन आर्जन गर्ने हो ? सफल मानिसले अपनाएका यी ‘टिप्स’ जानी राख्नुहोस्

काठमाडौं – प्रशस्त धन र पैसाको ईच्छा कसलाई हुँदैन । तर ईच्छा भएरपनि सबैको पहुँच र वशमा यो सम्भव हुँदैन । त्यसैले आज हामी तपाईलाई केहि टिप्सहरु सेयर गर्न गइरहेका छौँ । जुन तपाईले पनि ‘फलो’ गरेर समृद्ध जीवन बनाउन सक्नुहुन्छ ।

बिहानैदेखि फलो गर्नुहोस् यी टिप्स

-सूर्योदयभन्दा अघि नै उठ्नुहोस् । यसको लागि राति १० बजेअघि नै निदाउनुहोस् । सुत्नुअघि शुभसंकल्प गर्नुहोस् ।

-बिहान उठ्नेबित्तिकै यो अलौकिक प्रकृतिप्रति कृतज्ञ हुनुहोस् । बिहानै ब्रह्ममुहूर्तमा उठ्ने मानिसले ईश्वरीय शक्ति, अपूर्व मेधावी विवेक र ब्रह्मज्ञान हासिल गर्छ। ब्रह्ममुहूर्तमा उठेर धर्म तथा अर्थको चिन्तन गर्ने मानिसले अक्षय धर्म र बेस्सरी सम्पत्ति जोड्न सक्छ ।

मुस्कुराउनुहोस् ।

सूर्यको जस्तो शक्ति चाहिएमा सूर्यको पूजन र प्रणाम गर्नुहोस् ।

बिहान निद्रा खुल्नेबित्तिकै इष्टदेवताको स्मरण गर्नुहोस् र हत्केलामा हेरेर औंलाको टुप्पोमा लक्ष्मी, हत्केलाको मध्यमा सरस्वती र मणिबन्धमा ब्रह्मालाई सम्झेर प्रणाम गर्नुहोस् ।

ओछ्यानबाट झर्नुअघि तत्कालै दाहिने हत्केलाले पृथ्वीलाई स्पर्श गरेर प्रणाम गर्नुहोस् र त्यसपछि मलमूत्र विसर्जन गर्नुस् । मलमूत्र लामो समयसम्म रोकेर नराख्नुहोस् ।

३१ बर्षमा नै करोडपति बनेका विल गेट्सका प्रेरक भनाई यस्ता छन् ।

यो संसारमा आफ्नो तुलना कसैसँग पनि नगर्नुहोस्, यसो गर्दा तपाईको मनोबल गिर्न सक्छ वा उच्च महत्वकांक्षी हुँदा पनि स्वयम्को प्रगतिमा बाधा निम्तन सक्छ ।

एउटा गाह्रो काम गर्नको निम्ति म अल्छी व्यक्तिलाई छान्दछु किनकी अल्छी व्यक्तिले नै सजिलो तरिका पत्ता लगाउन सक्दछ ।

यदि तिमी गरिब जन्मछौँ भने त्यो तिम्रो गल्ती होइन तर यदि तिमी गरिब नै रहेर मर्दछौ भने यो तिम्रो गल्ती हो ।

जिन्दगी सधैँ आफूले चाहे जस्तो हुँदैन यसैले जिन्दगीसँग आफूलाई बानी पार्ने गर्नुपर्छ ।

सफलताको खुशीमा रमाउनु त ठिकै छ तर हामीले ज्यादा ध्यान असफलताले सिकाएको पाठतर्फ लगाउनु पर्दछ ।

हामी सबैलाई त्यस्तो व्यक्तिको आवश्यकता पर्दछ जसले हामीलाई पृष्ठपोषण र सल्लाह सुझाव दिइरहोस्, यसले नै हामीलाई सुधार्न मद्दत गर्दछ ।

यदि हामीले अर्को शताब्दीलाई नियाल्छौ भने तिनीहरुले नेतृत्व तिनीहरुको हुनेछ जसले अरुलाई उठ्न मद्दत गर्नेछन् ।

एउटा निश्चित बिन्दुमा पैसा मेरो लागि कुनै उपयोगी चिज होइन ।

लिगेसी एउटा मूर्खतापूर्ण कुरा हो, म लिगेसी भन्ने कुरो नै चाहन्न ।

कमाएको बचत कसरी गर्ने ?  विश्व प्रसिद्ध लगानीकर्ताका बादशाह वारेन बफेटका १० टिप्स

अमेरिकी अर्बपति वारेन एड्वार्ड बफेट शेयर बजारका हस्ती मानिन्छन् । यसैबीच विश्वको सर्वाधिक सफल लगानीकर्ता मध्ये एक बफेटका टिप्सहरु यहाँ राखिएको छ । उनका सुत्रहरु यस्ता छन् ।

थोपाबाट समुद्र बन्छ, त्यसैले निरन्तरता दिनुहोस् ।
दुविधा नलिनुहोस् ।
काम गर्नुअघि कामको प्रकृति बुझ्ने गर्नुहोस् ।
स–साना चुहावट रोक्ने गर्नुपर्छ ।
ऋणबाट जीवन चलाउने गर्नुहुन्न
अरुलाई नपछ्याउनुस्
संयम भई निरन्तरता दिनुहोस्ः
भरसक नोक्सानीबाट टाढै रहने प्रयास गर्नुहोस्
जोखिम आँकलनमा ध्यान दिनुहोस्
सफलताको वास्तविक अर्थ बुझ्नुहोस्
(बफेटको पुस्तकको सहयोगमा)