घट्यो सुनचाँदीको मूल्य, कतिमा हुँदै छ कारोबार ?

काठमाडौं । नेपाली बजारमा आइतबार (आज) सुनचाँदीको मूल्यमा गिरावट आएको छ ।

गत शुक्रबार प्रतितोला छापावाला सुनको मूल्य ९१ हजार ५ सय रहेको थियो । त्यस्तै आज सुनको मूल्य ९० हजार कायम भई कारोबार भइरहेको नेपाल सुनचाँदी व्यवसायी महासंघले जनाएको छ ।

त्यसैगरी आज प्रतितोला तेजावी सुनको मूल्य ८९ हजार ५ सय ५० रहेको छ ।

शुक्रबारको तुलनामा आइतबार चाँदीको मूल्य पनि तोलामा २५ रुपैयाँले गिरावट आएको छ । शुक्रबार चाँदीको मूल्य १२ सय ६५ रहेकोमा आज मूल्य गिरावट आइ १२ सय ४० कायम भई कारोबार भइरहेको महासंघले जनाएको छ ।