सचिनकी प्रेमिका बनिन् स्वस्तिमा

काठमाडौं, २२ चैत – अभिनेत्री स्वस्तिमा खड्का मोडल सचिन अधिकारीका प्रेमिका बनेकी छन् । रियल लाइफमा निर्देशक निश्चल बस्नेतसँग लगनगाँठो कसेकी स्वस्तिमाले रिल लाइमा सचिनको प्रेमिकाको भुमिका निर्बाह गरेकी हुन् ।आधुनिक पप विधामा स्थान बनाईरहेका गायक टेकन दाहालको स्वरमा रहेको नयाँ गीत ‘तिमीबाट’को भिडियोमा स्वस्तिमा र सचिनको अभिनय देख्न सकिन्छ । गीतमा शब्द तथा संगीत कमल खत्रीको रहेको छ ।विकास सुवेदीले निर्देशन गरेको भिडियो मार्फत सचिनले मोडलिङमा डेब्यु गरेका हुन् । गीतले प्रेमी–प्रेमिकाको अञ्जानको गल्तीले निम्त्याएको घटनाको बयान गरेको छ । भिडियोको छायांकन अनिल के मानन्धरले गरेका हुन् भने सुप्रिम पराजुली यसको सम्पादक रहेका छन् ।