जेल गए सलमान, फसे यी करोडौंका फिल्म

मुम्बई – बलिउड अभिनेता सलमान खान कालो हरिणको केशमा जेल चलान भएपछि उनले शूटिङ गरिरहेका केही फिल्मलाई ठूलो धक्का लागेको छ ।आइतवार सोधपुरको अदालतले उनलाई कालो हरिण मारेको मुद्दामा फैसला सुनाएको थियो । सलमानलाई पाँच वर्षको जेल र दश हजार जरिवानाको सजाय सुनाइएको छ । सजाय सुनाउनसाथ उनलाई हिरासतमा लिइएको थियो । यो मुद्दा बीस वर्षदेखि चल्दै आएको थियो ।सलमान खान सजाय भोग्न जेल जानासाथ उनले गरिरहेका केही प्रोजेक्ट रोकिन सकिने अड्कल काट्न थालिएको छ । अझै पनि सलमानलाई माथिल्लो अदालतमा जाने विकल्प छ । साथै उनलाई जमानत मिल्ने सम्भावना पनि छ । तर उनले यतिबेला गरिरहेका केही बिग प्रोजेक्टमा भने ठूलै धक्का लाग्ने देखिएको छ ।सलमान खान यस सयम फिल्म रेस ३ मा व्यस्त थिए । रेमो डिसुजाले निर्देशन गरेको फिल्मको शूटिङ अब रोकिएको छ । केही दिनअघि मात्र उनले स्टन्ट गरेको फिल्मको दृश्य बाहिरिएको थियो । फिल्मको बजेट १ सय करोड रुपैयाँको हो । यसमा सलमान मुख्य भूमिकामा छन् ।त्यस्तै उनले फिल्म ‘भारत’ मा पनि तत्कालै काम शुरु गर्ने योजना बनिरहेको थियो । जुन कोरियन फिल्मको रिमेक फिल्म थियो । यदि सलमान खानलाई लामो सजाय भयो भने उनको यो फिल्म पनि फ्रिज हुने सम्भावना छ ।फिल्म दबंग ३, किक २ पनि प्रभावित हुने भएका छन् । यी फिल्ममा काम गर्नका लागि सलमान तयार भइसकेका थिए । त्यस्तै चर्चित शो बिग बोस १२ मा पनि सलमान खानका सट्टा अन्य होस्टको खोजी हुने सम्भावना देखिएके छ । यस शोबाट सलमान खानले ११ करोड पारिश्रमिक लिने गरेका छन् ।