आजको बजार : सुनको मूल्य बढ्यो, चाँदी स्थिर

काठमाडौं । नेपाली बजारमा बिहीबार सुनको मूल्य वृद्धि भएको छ ।

बुधबार प्रतितोला छापावाला सुनको मूल्य ८८ हजार ८ सय रहेको थियो । आज सुनको मूल्य तोलामा ६ सयले बृद्धि भइ ८९ हजार ४ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

त्यसैगरी आज तेजावी सुनको मूल्य ८८ हजार ९ सय ५० रहेको छ ।

महासंघका अनुसार बिहीबार चाँदीको मूल्यमा भने स्थिरता छाएको छ । बुधबार प्रतितोला चाँदीको मूल्य १ हजार १ सय ९० रहेकोमा आज पनि त्यहि मूल्य कायम भइ कारोबार भइरहेको छ ।