साउन महिनाको अन्तिम दिन के भयो सुनचाँदीको मूल्य ?

काठमाडौं । साउन महिनाको अन्तिम दिन सोमबार नेपाली बजारमा सुनचाँदीको मूल्यमा सामान्य गिरावट आएको छ ।

आइतबारको तुलनामा सोमबार (आज) बजारमा छापावाला सुनको मूल्य तोलामा १ सय रुपैयाँले गिरावट आएको छ ।

आइतबार प्रतितोला छापावाला सुनको मूल्य ९० हजार ७ सय रहेकोमा आज मूल्य गिरावट आई ९० हजार ६ सय कायम भई कारोबार भइरहेको नेपाल सुनचाँदी व्यवसायी महासंघले जनाएको छ । त्यसैगरी तेजावी सुनको मूल्य ९० हजार १ सय रहेको छ ।

त्यसैगरी आज चाँदीको मूल्य तोलामा ५ रुपैयाँले गिरावट आएको छ । आइतबार प्रतितोला चाँदीको मूल्य १२ सय ५ रहेकोमा आज मूल्य गिरावट आई १२ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।