साम्राज्ञीलाई देख्दा नाजिरको दिलमा आगो

काठमाडौं, २३ चैत – चलचित्र ‘तिमी सँग’ ले रिलिजको पहिलो दिन पारेर फिल्मको एक गीत सार्वजनिक गरेको छ । ‘दिलमा आगो सल्कियो’ बोलको गीतमा नाजिर हुसेन र साम्राज्ञी शाहले अभिनय गरेका छन् ।गीतलाई दिपक पाठकले स्वर दिएका छन् भने कृथम कँडेल र गायक पाठकले संगीत रचना गरेका हुन् । गीतको भिडियोलाई कविराज गहतराजले कोरियोग्राफी गरेका हुन् ।आज शुक्रवारदेखि प्रदर्शनमा आएको चलचित्रमा साम्राज्ञी र नाजिरसँगै आकाश श्रेष्ठ लगायतले पनि अभिनय गरेका छन् । बेलायतबाट नेपाल घुम्न आएकी युवती वरिपरि फिल्मको कथा घुमेको छ । त्यस्तै चलचित्रलाई शिशिर राणाले निर्देशन गरेका हुन् । साथै फिल्मको कथा पनि निर्देशक राणाकै हो ।https://www.youtube.com/watch?v=oPJ_ayOr2kA