काठमाडौं । त्रिभुवन विश्वविद्यालयबाट सम्बन्धन लिएर सञ्चालन भइरहेका २५ सामुदायिक क्याम्पस अन्य विश्वविद्यालय मातहतमा पुगेपछि सम्बधन खारेज खरिएको छ ।
त्रिवि योजना निर्देशनालयका अनुसार अन्य विश्वविद्यालयमा गाभिएका ती सामुदायिक क्याम्पसको सम्बन्धन खारेज गरिएको हो ।
निर्देशनालय प्रमुख डा. ऋदिष पोख्रेलले त्रिविको सम्बन्धन लिएर सञ्चालन भइरहेका सामुदायिक क्याम्पसहरु अन्य विश्वविद्यालयमा आंगिक भएर जाने भनेपछि सम्बन्धन खारेज गरिएको बताए।
१५ वटा क्याम्पस सुदूरपश्चिम विश्वविद्यालय र १० क्याम्पस मध्यपश्चिमाञ्चल विश्विद्यालयको आंगिक क्याम्पस बनेका छन् ।
निर्देशनालयका अनुसार यसरी सम्बन्धन खारेज भएका क्याम्पसहरुमा जाजरकोटको ज्ञानोदय क्याम्पस, रोल्पाको जलजला क्याम्पस, रुकुमको मुसीकोट खलङ्गा क्याम्पस, अछामको जनता बहुमुखी क्याम्पस, बाँके कोहलपुरको बागेश्वरी बहुमुखी क्याम्पस, बर्दिया गुलरियाको बबई बहुमुखी क्याम्पस, दैलेखको नारायण क्याम्पस, सुर्खेतको भेरी शिक्षा क्याम्पस र विद्यापुर जनता बहुमुखी क्याम्पस, कालीकोटको तीला कर्णाली बहुमुखी क्याम्पस, मुगुको रारा बहुमुखी क्याम्पस रहेका छन्।
त्यस्तै बाजुरा क्याम्पस, दार्चुला बहुमुखी, बैतडीको पाटन बहुमुखी क्याम्पस, बैतडीकै जगन्नाथ बहुमुखी क्याम्पस, बैतडीकै मनिलेख क्याम्पस, बझाङको जयपृथ्वी बहुमुखी क्याम्पस, बाजुराको बडिमालिका क्याम्पसको पनि सम्बन्धन खारेज गरिएको छ ।
त्यसैगरी, गोकुलेश्वर बहुमुखी क्याम्पस गोकुलेश्वर, टीकापुर बहुमुखी क्याम्पस कैलाली, त्रिवेणी बहुमुखी क्याम्पस डडेलधुरा, दुर्गालक्ष्मी बहुमुखी क्याम्पस कैलाली, सीताराम क्याम्पस डोटी, कैलाली बहुमुखी क्याम्पस कैलाली र घण्टेश्वर सेती महाकाली बहुमुखी क्याम्पस डोटीको पनि सम्बन्धन खारेज भएको छ ।
यो खबर पढेर तपाईलाई कस्तो महसुस भयो ?
प्रतिक्रिया