साताको अन्तिम दिन सुनचाँदीको मूल्यमा वृद्धि

काठमाडौं । नेपाली बजारमा आज साताको अन्तिम दिन सुनचाँदीको मूल्य बढेको छ ।

बिहीबारको तुलनामा आज छापावाला सुनको मूल्य ४ सय रुपैयाँले बढेर ९१ हजार २ सय रुपैयाँ कायम भई कारोबार भइरहेको सुनचाँदी व्यवसायी महासंघले जनाएको छ । हिजो बिहीबार छापावाला सुनको मूल्य ९० हजार ८ सय रुपैयाँ कायम भइ कारोबार भएको थियो ।

आज तेजावी सुनको मूल्य भने ९० हजार ७०० सय रुपैयाँ रहेको छ ।

यता आज चाँदीको मूल्य तोलामा १५ रुपैयाँले बढेर ११ सय ९५ रुपैयाँ कायम भएको छ । बिहीबार भने प्रतितोला ११ सय ८० रुपैयाँमा कारोबार भएको थियो ।