धनगढी प्रिमियर लिगः काठमाडौं र महेन्द्रनगरबीचको खेल बर्षाले प्रभावित

कैलाली, २५ चैत । धनगढी प्रिमियर लिग अन्तर्गत आज हुने भनिएको काठमाडौं गोल्डेन्स र महेन्द्रनगर युनाईटेडबीचको खेल बर्षाका कारण प्रभावित बनेको छ ।लगातारको बर्षाका कारण खेल प्रभावित बनेको हो । प्रतियोगितामा दुबै टिम प्लेअफमा पुगिसकेका छन् ।प्रतियोगिताको एक मात्र अपराजित टोली काठमाडौं गोल्डेन्स लगातार ४ खेलमा जित निकाल्दै प्लेअफमा पुगेको हो भने महेन्द्रनगर पनि चार खेलबाट पाँच अंकसहित प्लेअफमा पगिसकेको छ ।आज नै विराटनगर किङ्स र सिवाईसी अत्तरीयाबीच खेल हुनेछ । यो खेलको विजेताले प्ले अफमा स्थान बनाउने छ ।यसअघि काठमाडौं गोल्डेन्स, महेन्द्रनगर युनाईटेड र टिम चौराहा धनगढीले प्लेआफमा स्थान बनाईसकेका छन् ।