काठमाडौं। जर्मन बुन्डेस लिगाको सन् २०२१/२२ सिजनअन्तर्गत बलियो टोली बोरुसिया डर्टमन्ड फ्राईबर्गसँग २-१ गोलले पराजित भएको छ।
फ्राईबर्गको घरेलु मैदानमा शनिवार खेलिएको खेलमा घरेलु टोलीले पहिलो हाफको ६औं मिनेटमा अग्रता लिएको थियो। भिन्सेन्जो ग्रिफोको गोल मार्फत खेलमा अग्रता लिएको घरेलु टोलीले पहिलो हाफको अन्त्यसम्म एक गोलको अग्रता लिन सफल भएको थियो।
दोस्रो हाफको ५३औं मिनेटमा फ्राईबर्गले दोस्रो गोल थप्यो। रोलान्ड सलाईको गोल मार्फत फ्राईबर्गले अग्रता दोब्बर बनाएको थियो। पुरै खेलमा ७६ प्रतिशत बल पोसेसन राखेपनि बोरुसिया डर्टमन्डको रणनीतिलाई घरेलु टोलीले बारम्बार विफल बनाएको थियो।
यद्यपि डर्टमन्डले खेलको ५९औं मिनेटमा एक गोल फर्कायो। यानिक केटलको आत्मघाती गोल मार्फत पाहुना टोलीले एक गोल फर्काउन सफल भएको थियो। खेलमा त्यसपछि कुनै पनि गोल हुन नसक्दा बोरुसिया डर्टमन्ड पराजित भएको हो।
यो खबर पढेर तपाईलाई कस्तो महसुस भयो ?
प्रतिक्रिया