ट्रम्प टावरमा आगलागी हुँदा १ जनाको मृत्यु, चार अग्निनियन्त्रक घाइते

न्युयोर्क, २५ चैत । अमेरिकी राष्ट्रपति डोनाल्ड ट्रम्पको न्युयोर्कस्थित ट्रम्प टावरमा भएको आगलागीमा परी १ जनाको मृत्यु भएको छ ।आगलागी नियन्त्रणमा गएका चार जना अग्निनियन्त्रकहरु सो क्रममा घाइते भएका छन् ।सोही टावरमा बस्दै आएका ती पुरुष आगलागीमा परी गम्भीर घाइते भएको र उपचारका क्रममा अस्पतालमा मृत्यु भएको अधिकारीहरुले बताएका छन् ।सोही भवनमा अमेरिकी राष्ट्रपति डोनाल्ड ट्रम्पको घर र कार्यालय रहेको छ । यद्यपि हाल ट्रम्प, प्रथम महिला मेलानिया र उनका छोराछोरी वासिंगटन डिसीस्थित ह्वाइट हाउसमा छन् ।आगलागीबाट सो भवनको ५० औं तलामा क्षति पुगेको हो । आगलागीको कारण खुलेको छैन ।