काठमाडौं। इंग्लिश प्रिमियर लिगको सन् २०२१/२२ सिजनअन्तर्गत म्यान्चेस्टर युनाइटेड र साउथह्याम्पटनले १-१ गोलको बराबरी खेल खेलेका छन्।
साउथह्याम्पटनको घरेलु मैदान सेन्ट मेरिज स्टेडियममा आईतवार खेलिएको खेलमा बलियो टोली युनाइटेड बराबरीमा रोकिएको छ। पहिलो हाफको ३०औं मिनेटमा फ्रेडको आत्मघाती गोल मार्फत घरेलु टोलीले अग्रता लिएको थियो।
सुरुवाती ४५ मिनेटमा १-० गोलले पछि परेको युनाइटेडले दोस्रो हाफमा भने बराबरी गोल फर्काउन सफल भएको थियो। खेलको ५५औं मिनेटमा पोगबाको पासमा मेसन ग्रीनवुडले गोल गर्दा युनाइटेड खेलमा फर्केको थियो।
खेलको अधिकांश समय बल पोसेसनमा हैकम जमाएको पाहुना टोली युनाइटेडले निर्णायक गोल भने गर्न सकेन। निर्धारित ९० मिनेटसम्म खेलमा अरु कुनै गोल नहुँदा दुवै टोलीले समान १-१ अंक बाँडेका छन्।
यो खबर पढेर तपाईलाई कस्तो महसुस भयो ?
प्रतिक्रिया