काठमाडौं। इटालियन सिरी-एअन्तर्गत गत संस्करणको उप-विजेता एसी मिलानले साम्प्डोरियालाई १-० गोलले पराजित गर्दै नयाँ सिजनमा विजयी सुरुवात गरेको छ।
साम्प्डोरियाको घरेलु मैदानमा खेलिएको खेलमा मिलानले सुरुवाती १० मिनेटमै अग्रता लिएको थियो। रियल मड्रिडका पूर्व खेलाडी ब्राहिम डियाजले ९औं मिनेटमा गोल गर्दै पाहुना टोलीलाई अग्रता दिलाएका थिए।
पहिलो हाफमा एक गोलको अग्रता लिएको एसी मिलानले दोस्रो हाफमा कुनै गोल थप्न सकेन। उता बल पोसेसनमा मिलानलाई बराबरीको टक्कर दिएको साम्प्डोरियाले खेलमा १६ शट प्रहार गरेपनि बराबरी गोल भने गर्न सकेन।
यस जितसँगै मिलानले नयाँ सिजनमा विजयी सुरुवात गरेको छ। यस सिजन मिलान उपाधि उचाल्ने दाउमा रहेको छ।
यो खबर पढेर तपाईलाई कस्तो महसुस भयो ?
प्रतिक्रिया