तोलामा ५ सयले बढ्यो सुनको मूल्य

काठमाडौं । आज मंगलबार नेपाली बजारमा सुनचाँदीको मूल्य वृद्धि भएको छ ।

सोमबारको तुलनामा आज छापावाला सुनको मूल्य ५ सय रुपैयाँले बढेर ९१ हजार ६ सय रुपैयाँ कायम भई कारोबार भइरहेको सुनचाँदी व्यवसायी महासंघले जनाएको छ ।

साताको दोस्राे दिन सोमबार छापावाला सुनको मूल्य ९१ हजार १ सय रुपैयाँ कायम भई कारोबार भएको थियो ।

आज तेजावी सुनको मूल्य भने ९१ हजार १ सय रुपैयाँ रहेको छ ।

यता आज चाँदीको मूल्य तोलामा १० रुपैयाँले बढेर १२ सय रुपैयाँ कायम भएको छ । सोमबार भने प्रतितोला ११ सय ९० रुपैयाँमा कारोबार भएको थियो ।