वेस्टह्यामसँग रोकिएपछि चेल्सीको शीर्ष चारमा पर्ने सम्भावना समाप्त

काठमाडौं, २६ चैत । इंग्लिस प्रिमियर लिग फुटबलको साविक विजेता चेल्सीले वेस्टह्याम युनाइटेडसँग एक–एक गोलको बराबरी खेल्दै अंक बाँडेको छ ।यो बराबरीसँगै चालू सिजनमा शीर्ष चारमा पर्ने चेल्सीको सम्भावना समाप्त भएको छ ।गएराति भएको खेलमा बराबरीमा रोकिएसँगै ३२ खेल सकिँदा चेल्सी चौथो स्थानको टोटनह्याम युनाइटेडभन्दा १० अंकले पछि छ ।यो खेलबाट ३ अंक जोड्न सकेको भए चेल्सी प्रतियोगिताको शीर्ष चारमा रहने झिनो सम्भावना कायमै रहने थियो ।खेलको ३६ औं मिनेटमा एजपिलिक्वेटाको गोलबाट सुरुवाती अग्रता बनाएको चेल्सीले त्यसलाई जोगाउन सकेन । खेलको दोस्रो हाफको ७३ औं मिनेटमा वेस्टह्यामले बराबरी गोल फर्कायो ।यसैगरी गएराति नै भएको अर्को खेलमा आर्सनलले साउथ ह्याम्पटनलाई ३–२ गोलले पराजित गरेको छ ।