सुनको मूल्य ५ सयले बढ्यो

काठमाडौं । साताको अन्तिम दिन आज (शुक्रबार) नेपाली बजारमा सुनको मूल्यमा वृद्धि भएको छ ।

नेपाल सुनचाँदी व्यवसायी महासंघका अनुसार बिहीबारको तुलनामा शुक्रबार छापावाला सुनको मूल्य तोलामा ५ सयले वृद्धि भएको हो । बिहीबार नेपाली बजारमा सुनको मूल्य ९१ हजार १ सय रुपैयाँ रहेकोमा आज मूल्य बढी ९१ हजार ६ सय कायम भई कारोबार भइरहेको महासंघले जनाएको छ ।

त्यस्तै आज तेजावी सुनको मूल्य ९१ हजार १ सय रहेको छ ।

महासंघका अनुसार श्रक्रबार चाँदीको मूल्य १० रुपैयाँले घटेको छ । बिहीबार प्रतितोला चाँदी १२ सय १० रहेकोमा आज मूल्य घटि १२ सय रुपैयाँ कायम भई कारोबार भइरहेको महासंघले जनाएको छ ।