सलमान भए भावुक, फ्यानलाई भने धन्यवाद

मुम्बई – सलमान खान पछिल्लो हप्ता जब दुई रात जोधपुरको सेन्ट्रल जेलमा बसे, त्यतिबेला उनका फ्यानले प्राथना गरे । कोर्टको फैसलामा फ्यानले विरोध गरिरहेका थिए । जब उनी रिहाई भए, तब उनका फ्यानहरु खुशी मनाउन जुटे ।शनिवार जब सलमान खान रिहा भएर मुम्बई फर्किए, तब फ्यानले उनको भव्य स्वागत गरे । आफ्नो घरको बाल्कोनीबाट उनले आफ्ना फ्यानलाई अभिवादन पनि गरे ।साथै सलमानले ट्वीट गरेर आफ्ना फ्यानलाई धन्यवाद भनेका छन् । उनले एक भावुक ट्वीट लेखेर आफू सबैप्रति कृतज्ञ भएको बताए । ‘म ती सबैप्रति कृतज्ञ छु, जसले मलाई माया गर्छन् र मप्रति भरोसा पनि राख्छन् । तपाईहरुको माया र सपोर्टका लागि धन्यवाद ।’, उनले ट्वीटमा लेखेका छन् ।सलमान खान कालो हरिणको शिकार गरेको आरोपमा भारतको जोधपुर जेलमा दुई दिन बस्नुपरेको थियो । उनलाई पछि पाँच वर्षको सजाय सुनाइएको थियो । पछि भने उनी धरौटीमा रिहा भएका थिए । छुटेपछि उनी प्राइभेट प्लेनमा मुम्बई फर्केका थिए ।