सोनम कपूरको बिहेमा को को छन् गेष्ट?

मुम्बई – केही महिनाअघि मात्र अनुष्का शर्मा र विराट कोहलीको बिहे भएको थियो । र, यो जोडीको बिहेलाई लिएर राम्रै चर्चा पनि भएको थियो । बलिउडमा यतिबेला दीपिका पादुकोण र रणवीर सिंहको बिहेलाई लिएर पनि चर्चा चलिरहेको छ ।अर्कातिर सोनम कपूरको जोडीको बारेमा पनि चर्चा भइरहेको छ । सोनम र उनका प्रेमी आनन्दको बिहेलाई लिएर यतिबेला बलिउडमा चर्चा चलिरहेको छ ।यतिसम्म कि, उनको बिहेको सपिङ भएको, को को जाने भन्ने लिस्टसमेत तयार भएको स्रोत बताउँछ । भारतीय समाचार माध्यमका आधारमा यो जोडीले यही महिना अर्थात अप्रैलमै बिहे गर्ने भएका छन् । र, बिहेमा को को आउने भनेर लिस्ट पनि तयार भइसकेको भारतीय मिडियाले लेखेका छन् ।मिडिया रिपोर्टका अनुसार सोनम र आनन्दको बिहेका लागि निमन्त्रणा पनि पठाइसकिएको छ । जानकारीका अनुसार उनको बिहेमा बलिउडका कलाकार करीना कपूर, स्वरा भास्कर, रणवीर कपूर, आलिया भट्ट, वरुण धावन, सैफ अली खान, ज्याकलिन फर्नाडिस, करण जोहर, अर्जुन कपूर साथै दीपिका र रणवीर पनि हुनेछन् ।