टोकियो पारालिम्पिक २०२०: पलेशा पहिलो खेलमै पराजित

काठमाडौं। टोकियो पारालिम्पिक २०२० अन्तरगत पारा तेक्वान्दो खेलमा नेपालकी पलेशा गोवर्धन पहिलो खेलमै पराजित भएकी छिन्।

शुक्रवार विहान सम्पन्न के-४४ स्पर्धाको ५८ केजी तौल समूहमा पलेशा ग्रेट ब्रिटेनकी बेथ मुनरोसँग २१-८ अंकले पराजित भएकी हुन्। के-४४ स्पर्धा अन्तर्गत शुक्रवार नै सुरु भएको प्रतियोगितामा पलेशाले सोझै प्रि-क्वार्टर फाइनल खेलमा प्रतिस्पर्धा गरेकी थिइन्।

पलेशालाई पराजित गरेकी मुनरोले अब क्वार्टर फाइनलमा टर्कीकी गाम्जे गर्डलसँग प्रतिस्पर्धा गर्ने छिन्। यस स्पर्धाको फाइनल खेल पनि आज शुक्रवार नै खेलिने छ।